健康的代價

我對扁平足已經病左好耐，由骨科到物理治療都有大半年時間 (好彩公司有得保)，不過效果只係麻麻... 後來經介紹試左針灸推拿，真係不得了！雖然重未可以跑馬拉松，最少而家行兩個鐘頭街買野都可以

中醫 + 針灸
醫師話我對腳唔只係扭傷，而且有好重水腫... 唉，要戒口唔食凍 / 辛辣 / 酸野，第一個星期真係唔知可以食咩，我最愛既泰國菜同日本料理bye bye啦  一個月後神奇事發生！我對小腿瘦左，而且著鞋細左一個碼！朋友都話我見番條腰，真係好過去XX堂減肥囉

我而家都有繼續戒口，希望大家知道凍飲真係影響好大呀

尋日又見完中醫，佢話不如醫下d皮膚喎... 今次要戒甜食 (唔通連唔凍可樂都無得飲??)，再係咁我諗好快要同志雲一樣改食素啦！

凍飲 / 食：導致血氣不順，水份會積聚下半身
甜食：加深傷疤色素，刺激痘痘生長

牛奶美白

係"牛乳"美白流行之前，我已經開始牛奶敷面法 (多謝媽咪做白老鼠，哈哈)
其實牛奶敷面真係好有效，小妹本來屬於又黃又油既皮膚，經過多年牛奶浸淫後，成果大家都有目共睹啦！

方法非常簡單：
紙面膜 (化妝品店有售，$20有一大包) + 樽裝鮮奶 (一定要樽裝，屋仔奶唔得架)
就係每日洗面後敷10 - 15分鐘，一個月就見效果！一樽鮮奶大約可以用5日，每日都只係$1.6，而且敷完牛奶唔塗其他護膚品都無問題呀

不過要小心，因為有朋友仔敷完後發現皮膚敏感喎

嚟個近照，有無白左呢?

正斗睫毛增長液

很怕用睫毛液，成日都覺得好重雙眼想跌落嚟咁... 不過為左靚靚都無計啦，鬼叫自己既眼睫毛咁短咩!

一次唔覺意聽到位新娘化妝既朋友介紹, 有枝正斗睫毛增長液可以幫到手, 佢話d新娘子密密塗可以由無到有，真係咁神奇? 於是即刻買左枝試用, 一個月後真係唔同哂! 尢其是下眼睫毛位, 原本小妹係短得連睫毛液也塗不上的, 而家有番條黑線喎...

用完三個月，剛剛買左枝新既... 睇下眼睫毛會唔會再生長d先??!!

p.s. 睫毛液既牌子叫nu skin, 我係yahoo買既, 大約$2xx