牛痴如我，見有牛肉火鍋就唔會放過。"一生"之前係做和食放題，剛剛轉左做火鍋所以有7折，好似幾抵喎，三個等級中最貴既安格思牛都唔駛$200，一於去試下先!!
120分鐘放題，牛/豬/海鮮都由侍應提供。海鮮有魚、蝦、青口、扇貝同魷魚，我覺得麻麻地...
配菜係自動形式，我覺得唔錯! 有日式魚蛋(關東煮o個d)、蟹柳、日式餃子、大量既菇及菜類。烏東雖然係一包包既(但包裝寫係手打烏東)，不過都幾好食。
另外有刺身拼盤(唔可以分開叫)同串燒(唔熱既...)
總括而言，我覺得只係普普通通，如果真係想食牛就去牛陣好過。最欣賞d芝麻醬同服務態度，無得頂。
失敗時你可能會失望，但如果不嘗試，將永無希望。 . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
回覆刪除"一生"之前係做和食放題我食過呀, 好得喎 :)
回覆刪除原來而家轉左做火鍋呀