參加了世紀婚禮

晚機去晚機返, 三日兩夜參加台灣婚禮。呢次旅程收穫豐富, 多左契爺契媽同台灣朋友一大班, 重見證一個世紀婚禮添!!

星期五晚10點到達桃園機場, 原來... 機埸既兌換店有開架??!! 早知唔需要係香港換台幣啦。我地今次經國泰假期訂套票住Holiday Inn, 竟然比旅行社平  不過酒店離市區比較遠, 坐酒店車最快15分鐘去到101。

第二日早早到男家等一對新人回男家, 佢地好得意喎... 唔駛著"掛"又唔駛敬茶既?? 不過佢地同香港一樣, 會係男家屋企食午飯, 之後大家就可以休息等晚宴。

台灣既婚宴通常係星期六/日, 而且會較早開始(6點左右)。嘩... 佢地既佈置真係超級華麗呀!!! 聽講呢間飯店非常有名, 要半年前預定架... 重可以開50席添。全個場用真花佈置, 又有live band, 一個字 -- 勁!!

基本上婚宴既程序同香港差不多, 都有放成長片段同敬酒, 但佢地有致詞囉。因為一對新人係銀行界尖子, 而主人家又大有來頭, 所以致詞既竟然係... xx銀行總經理, xx市市長, xx局局長 你明我點解話係世紀婚禮啦!

至於菜式方面, 台灣既婚宴係無燒豬食架。佢地大約有10~12道菜, 都會有魚翅鮑魚, 但同香港既口味唔同。最有趣係頭盤...

恭喜哂!!! 真係好開心認識你地呀