保濕之選

開始覺得塊面乾乾地，又係時候用我鍾意既sleeping pack啦。

幾年前第一次用Laneige Water Sleeping Pack，真係驚為天人!! 搽左塊面粘粘地，怕第二日會生粒粒既我，點知可以咁水潤喎，駛搽其他cream非常方便。當時重係訂水貨年代，但sleeping pack就成為左我冬天不可缺少之物。

愛上sleeping pack...

Laneige - 粘性高，冬天用比較適合。我會先放雪櫃才用。
H2O - 我覺得質地太水唔夠潤，不過唔同時候都可以用。
彩豐行保加利亞玫瑰 - 只用過試用裝，質地太厚成日好似Gel住塊面。第二朝未吸收哂重有少少粘。

上年媽咪係韓國買左UGB既人參sleeping pack，比Laneige容易吸收，好清爽。有淡淡既人參味，係我既最新寵兒。今次買左皇牌Aqua cream，聽講一搽就吸收哂，好勁~~~

同場買左Innisfree Green Tea Sleeping Pack。之前用過Innisfree既紅酒軟爽水，可以好容易咁去死皮，睇下sleeping pack又好唔好用先。

P.S. UGB同Innisfree係香港都無分店，大家可以係試試係Yahoo拍賣或者信和7樓搵下。

親家見面

話說莊生同我呢幾年都有參加各自既家庭活動，不過兩家元老就一直都無見過面。 親家講數飯局一拖再拖，同期結婚既朋友提完再提... 終於係八月尾安排。

由於席數同禮金一早已經傾好，今次見面只係做下樣。我地約左去翰騰閣飲茶，一來飲茶氣氛簡單d，二來佢地又可以睇下個場囉。

第一次見面大家都客客氣氣，可以話無咩特別。次前我有少少擔心兩位老爹會亂講野，好彩佢地無討論禮金...

<<幻想中>>
(莊老爹): 咁少禮金邊得架，起碼要十萬八萬啦! 太少無面架!!
(我阿爸): 我又唔係賣女，你俾咁多做咩呀...