一直保持神秘... 因為係媽咪結婚時著過嘅裙!!
整理成長片段時同媽咪戲言，搵到條裙一定著! 估唔到搬家數次都重係到、估唔到阿女咁Fit、估唔到我咁有吉士著上身
簡單得來又閃閃，真係靚到無朋友，一定唔會撞款。最緊要係背後嘅意義，你睇我o地笑得幾一致??!!
我自己好鍾意，相信媽咪都幾開心同感動。
婚後媽咪先講佢有好多晚失眠，原來係掛住我呀。攪到我都眼濕濕添... 媽咪kiss kiss kiss U
P.S. 我條頸鏈係DIY架! 媽咪同我睇左好多條都唔合心水，點知俾我睇中個同心鎖(呢...公主嫁到o個個呀)。 其實鋪頭係俾小朋友，我o地就自己加條鏈囉。我諗我都係創先河
嘻, 我嫁左後, 媽有日突然打黎話好掛住我, 話我嫁左唔捨得喎...我廿歲就搬左出去無同佢一齊住佢都話唔捨得, 更何況你地一齊住開既
回覆刪除[版主回覆03/04/2011 14:19:00]奇就奇在... 奶奶都話好掛住我老公呢