古法去暗瘡

我既暗瘡從幾年前開始由面面轉移到背部，有時重生係心口添。用過許多方法，蘆薈、磨沙、綠豆粉(下次再介紹，勁有用！)... 而家重睇緊中醫...

呢幾日d粒粒又大又腫，阿媽就介紹左佢細個既古方俾我 -- 天仙籽

天仙籽可以係藥房買到，好平一大包。佢有少少似芝麻，不過係紫色既。只要用極少份量加水成為膜狀搽係暗瘡處，第二朝就會乾涸到好似結疤咁脫落... 一晚後可以消紅腫，大約兩日暗瘡便會榭。天仙籽加水後有黏性，可緊貼著暗瘡，而且涼涼地會覺得舒服d。

試過幾日(因為有好多粒)，d暗瘡真係開始細左。阿媽話天仙籽會"吸"哂暗瘡既毒喎...

大家有興趣可以試下，不過就唔好用係面面囉，事關阿媽話佢細個係用嚟醫大毒瘡架!