凍肉好介紹 - 海港

買左靚靚既Le Creuset煎pan，緊係想煎下靚靚牛扒啦。聽講荃灣有間正野，比citysuper / taste平好多既凍肉舖，咁一定要睇睇囉。

<<海港凍肉>>
荃灣德士古道62-70號寶業工業大廈23號地下 (熊貓酒店後面，近球場條橫街)
逢星期三休息

海港主要做批發，不過佢有兩個凍櫃放左少量現貨，同大大張價目俾你參考。佢地d伙計好鬼好人，見我地盲摸摸咁所以出手介紹。我一早諗好要整羊架同牛扒，哥哥仔就解釋唔同國家有咩分別。

主角1 - 美國安格思肉眼扒。有3/4吋厚 (我覺得唔止)，解凍後同citysuper賣既無咩分別! 好香肉味，只係用牛油煎下就食得，唔駛加任何調味!!

主角2 - 紐西蘭羊仔架。有厚厚脂肪，勁羊羶。

4塊牛扒 + 一件羊架 + 藍青口 + 一包法蘭克福腸都只係$600

價錢100分，服務100分(佢地重送個白酒煮青口既食譜俾我添)。我下次要買鵝肝試下先~~~