婚禮後記 - 過大禮

以為一早開始籌備會好輕鬆，點知都係攪到一頭煙。唯有用倒序法啦...

過大禮係結婚一個月前進行，我o地幫襯咗<<結婚易>>過大禮套裝，$800幾合理。其實價錢同金都差唔多，見佢o地幾好人又有o野送喎(上頭套裝 / 送貨)，所以好快就訂咗。

應母親大人要求，一切依(佢所知嘅)傳統習慣。所以女家準備咗...

女家回禮、茶禮、三色餅(唐餅、西餅、潮州餅)

男家送嚟...

過大禮套裝、海味、生果籃

另外有我嘅嫁妝...

子孫三寶(面盆、痰罐、水桶)、行李箱、龍鳳被

吉時到，莊生舅父舅母就送哂禮物上嚟。一輪打衝鋒，媽咪派完回禮利就禮成啦，只係用咗半個鐘。依習俗男家要搵一個女性長輩負責送禮(所以搵咗莊生舅母)，而準新人係要迴避架!!