最後一次去婚展

婚紗展我地去左好多次，不過只係幫襯過訂酒席。一直想最後先訂既紅酒同租車... 如無意外今次應該係婚禮前最後一次囉。

我地既目標(1) - 租花車
心目中想租倫敦的士 + 28座小巴(因為莊生知我鍾意英國)，上次婚展已經格哂價，諗住今次坐低俾錢就ok啦。點知個sales見我地打算租倫敦的士，就係咁迫人要部新d又貴d既款式。當然呢個唔係上次個sales，但我一再強調想要棗紅色舊款，佢就繼續要我訂紫色新款，重話舊款車一定上唔到斜路囉(雖然我地都知有咁既可能)。今次28座既價錢又貴左，佢少少都唔減，而且話葵興屬於荃灣區要每部車加$250?? 真係一d誠意都無。

之後去左<<銀禧>>問，佢地得番金色倫敦的士有期，表明來意之後個sales介紹我地租另一款車，我唔識個牌子，不過見部車係棗紅色又幾豪華咁，都ok既。莊生問左朋友仔，話呢個牌子車係貴野喎... 佢可以配同色28座小巴唔需要加錢，重送絲花花車佈置添。

計計數，其實係<<銀禧>>租車會貴少少，不過我見有花車佈置送都抵番囉。雖然有d意氣用事，又無查過呢間公司係咪黑店，至少佢地有誠意呀，所以我地決定用佢!!

我地既目標(2) - 訂紅酒

因為我唔識飲酒所以莊生話事。試左兩間(大約8種左右)，主力$80以下既款式。好快我地就決定係新翹行訂囉，個sales招仔好攪笑，係咁話唔駛買咁貴，又不斷俾d酒我地試喎，見佢咁有heart，又有25%回購，OK啦!!

訂左Ch. Laquirou 2007 Cote，因為佢個樽好鬼靚 要搵下張相先post

新翹行www.sunstalent.com.hk