我的墾丁台中hea爆之旅 (墾丁飲食篇)

去到台灣，咁一定要試多d小食啦；樣樣都只係十幾蚊，唔食多d真係對唔住自己。一隻燒魷魚都只係$10，我食左兩晚。 另有燒花枝丸、蒙古羊肉串、腸仔，飲左好多杯珍珠奶茶同奶綠。唉... 破哂戒。

食左一餐幾好既泰國菜，都算貴貴地: 泰式生蝦 (好食) + 生蠔、炒粿條 (好普通)、春卷 (估唔到咁香口)、炒通菜，兩個飲品... 多謝$500

一定要介紹後壁湖既漁市場，呢到既用餐環境真係麻麻，但係海鮮就 --> 平靚正：刺生 (男友追話好新鮮)、蜆湯 (好清，鮮味)、白灼螺 (都係覺得白酒煮好食d，不過佢地無)、炸花枝丸... 都只係$160!! 推介炸花枝丸，一碟有成15粒，十分彈牙；而且炸得非常香口，我一個人就KO左2/3

有好多網友都話後壁湖既"輝哥"好，不過我覺得間間都係差唔多，唔駛等位。